Ինչպես դառնալ էլ. - խանութ
«Արմենիան Քարդ» Ընկերության էլեկտրոնային առեւտրի համակարգում որպես սպասարկման կետ գործելու համար անհրաժեշտ է.
- Փոփոխություններ կատարել սպասարկող կազմակերպության ինտերնետային կայքի ծրագրային ապահովման մեջ համաձայն «ArCa էլեկտրոնային վճարումների համակարգ: Ինտերնետային սպասարկման կետերի ինտերֆեյս: Տարբերակ 2.0» փաստաթղթում նկարագրված ֆորմատի:
- Կատարվող փոփոխությունները տեստավորելու համար Ընկերությունը տրամադրում է տեստային միջավայր: Տեստային միջավայրում գրանցվելու համար անհրաժեշտ է դիմել Ընկերությանը եւ ստանալ բոլոր անհրաժեշտ տվյալները: Տեստավորման ժամանակ ծագած տեխնիկական հարցերով սպասարկող կազմակերպության մասնագետները կարող են դիմել Ընկերության համապատասխան մասնագետներին:
- Տեստավորման ավարտից հետո ռեալ աշխատանքային համակարգում գրանցվելու համար սպասարկող կազմակերպությունը պետք է դիմի «Արմենիան Քարդ» վճարային համակարգի սպասարկողի կարգավիճակ ունեցող անդամ-բանկերից որեւէ մեկին (սպասարկող կազմակերպության կողմից միջազգային MasterCard քարտերի սպասարկման համար անհրաժեշտ է դիմել Ընկերության այնպիսի անդամ-բանկի, որն ունի MasterCard քարտերի սպասարկման իրավունք):
- «Արմենիան Քարդ» Ընկերությունը բանկի միջոցով սպասարկող կազմակերպությանը տրամադրում է գրանցման համար անհրաժեշտ բոլոր տվյալները եւ պարամետրերը:
- Ռեալ համակարգում աշխատելիս բոլոր կարգի կազմակերպչական եւ ֆինանսական հարցերը կարգավորվում են բանկի եւ սպասարկող կազմակերպության միջեւ կնքված պայմանագրով, առանց «Արմենիան Քարդ» Ընկերության միջամտության:
