Ինչո՞ւ և ինչպե՞ս պետք է գրանցվել:

Այս կայքի միջոցով տրամադրվող ծառայություններից լիարժեք օգտվելու համար անհրաժեշտ է գրանցել Ձեր քարտը: Գրանցումն անվճար է:

• քարտի համարը (առանց բացատների),
• Ձեր անումը (ինչպես դաջված է քարտի վրա),
• քարտի վավերականության ժամկետը,
• Ձեր ծննդյան ամսաթիվը,
• Ձեր բանկային գաղտնաբառը (այն, որը նշել եք քարտը ստանալու համար լրացված բանկային գրանցման ձեվում):

Բացի այդ, անհրաժեշտ է մի գաղտնաբառ նշել ստեղծվող վիրտուալ քարտի համար և սահմանել վիրտուալ քարտի վավերականության ժամկետը: Պետք է նաև նշել քարտով կատարվելիք գործարքների (կոմունալ վճարներ, ապրանքներ առաքումով, էլեկտրոնային ծառայություններ առանց առաքման եւ ֆինանսաբանկային ծառայություններ այլն) գումարային սահմանափակումները: Տես նաև Գրանցում մասը:

Ի՞նչ են սահմանները:

Ծառայությունների յուրաքանչյուր խմբի համար անհրաժեշտ է սահմանել հետևյալ տվյալները.

• ՄԻԱՆՎԱԳ ԳՈՐԾԱՐՔԻ ԳՈՒՄԱՐԻ ՍԱՀՄԱՆԸ. միանվագ գործարքի առավելագույն գումարը;
• ԳՈՐԾԱՐՔՆԵՐԻ ՀԱՇՎԻՉ. <Լիցքավորման ժամկետ> դաշտում նշված ժամանակահատվածում կատարվելիք գործարքների առավելագույն քանակը:
• ԳՈՐԾԱՐՔՆԵՐԻ ԸՆԴՀԱՆՈՒՐ ԳՈՒՄԱՐԻ ՍԱՀՄԱՆԸ. <Լիցքավորման ժամկետը> դաշտում նշված ամանակահատվածում կատարվելիք գործարքների ընդհանուր գումարը:
• ԼԻՑՔԱՎՈՐՄԱՆ ԺԱՄԿԵՏԸ. ժամանակահատված (օր, շաբաթ, կամ ամիս), որի ընթացքում հաշվվում է գործարքների քանակը և գործարքների ընդհանուր գումարը:

Կարո՞ղ եմ փոխել իմ վիրտուալ քարտի տվյալները:

Մուտքագրված տվյալները փոփոխման ենթակա չեն: Ցանկացած տվյալ գաղտնագիր, վավերականության ժամկետ, սահմաններ, փոխելու համար անհրաժեշտ է նոր վիրտուալ քարտ ստեղծել, որից հետո հին քարտի գործողությունը կասեցվում է:

Փորձում եմ գրանցվել, բայց ստանում եմ հետևյալ նշումը. ՙՍտուգե°ք մուտքագրված տվյալները կամ դիմե°ք բանկին, որից ստացել եք Ձեր քարտը՚:

Վիրտուալ քարտի գոյացումը կարող է մերժվել մի քանի պատճառով.

Մուտքագրված անունը չի համապատասխանում քարտի վրա դաջվածին:

• Բանկային քարտի վավերականության ժամկետը սխալ է մուտքագրված:
• Մուտքագրված գաղտնաբառը սխալ է այն չի համապատասխանում բանկային ձևում նշվածին:
• Մուտքագրված ծննդյան ամսաթիվը սխալ է այն տարբերվում է բանկային ձևում նշվածից:

Եթե վերջին երկու տվյալները չեք հիշում, դիմեք Ձեր բանկին:

Անվտանգության նկատառումներից ելնելով քարտի գործողությունը կարող է կասեցվել մի քանի հաջորդական սխալ գրանցման փորձերի դեպքում: Դիմեք Ձեր բանկին քարտը վերագործարկելու համար:

Փորձում եմ գրանցվել, բայց ստանում եմ հետևյալ նշումը. ՙԳրանցումը մերժված է՚:

Հավանաբար, Ձեր քարտի գործողությունը ժամանակավորապես կասեցված է մի քանի հաջորդական անհաջող գրանցման փորձերի պատճառով: Վերագործարկման (ապաբլոկավորման) կոդը Ձեզ կուղարկվի էլեկտրոնային նամակով:

Փորձում եմ գրանցվել, բայց ստանում եմ հետևյալ նշումը. ՙՏվյալ համարով քարտ գոյություն չունի՚:

Հավանաբար, քարտի համարը սխալ եք մուտքագրել: Հիշե°ք, որ քարտի համարը պետք է մուտքագրվի ճիշտ այնպես, ինպես դաջված է քարտի վրա առանց բացատների:

Փորձում եմ գրանցվել, բայց ստանում եմ հետևյալ նշումը. ՙՁեր քարտի օգտագործումը սահմանափակ է՚: Դիմեք Ձեր բանկին:

Հավանաբար, փորձում եք գրանցել մի քարտ, որը ԱրՔա համակարգում չէ: Ներկայումս այս վճարային համակարգով էլեկտրոնային գործարքներ կատարել հնարավոր է միայն ԱրՔԱ քարտերի միջոցով:

Փորձում եմ գրանցվել, բայց ստանում եմ հետևյալ նշումը. ՙԲացակայում է է-փոստի հասցեն՚:

ԱրՔա էլեկտրոնային վճարային համակարգում գրանցվելուց և վիրտուալ քարտ ստեղծելուց հետո անհրաժեշտ է այն ակտիվացնել: Համակարգը ակտիվացման կոդն ուղարկում է է-փոստի հասցեով, որը նշել եք բանկային գրանցման ձևում: Եթե բանկային ձևում է-փոստի հասցե նշված չէ, չեք կարողանա օգտագործել Ձեր քարտը էլեկտրոնային գործարքների համար: Դիմեք Ձեր բանկին խնդիրը շտկելու համար:

Փորձում եմ միանալ (log-in) համակարգին, բայց ստանում եմ հետևյալ նշումը. ՙՄուտք չկա՚:

1. Հավանաբար, Ձեր վիրտուալ քարտի գործողությունը կասեցվել է մի քանի հաջորդական սխալ մուտքի փորձերի հետևանքով: Անհրաժեշտ է վերագրանցվել և նոր վիրտուալ քարտ ստեղծել:

2. Հավանաբար, գրանցումից հետո չեք ակտիվացրել Ձեր վիրտուալ քարտը: Դիմեք է-փոստով Ձեզ ուղարկված հասցեին քարտը գործարկելու համար:

Փորձում եմ միանալ համակարգին, բայց ստանում եմ հետևյալ նշումը. ՙՎավերացում չի կատարվում՚:

Հնարավոր է, որ վիրտուալ քարտի համարը և/կամ գաղտնաբառը սխալ եք մուտքագրեք: Ստուգե°ք և փորձե°ք նորից:

Փորձում եմ գործարք կատարել, բայց ստանում եմ հետևյալ նշումը. ՙԱնբավարար միջոցներ՚:

Հնարավոր պատճառներն են.

1. Հավանաբար գործարքի գումարը գերազանցում է միանվագ գործարքի գումարի սահմանը, որը Դուք սահմանել եք վիրտուալ քարտի ստեղծման ընթացքում:
2. Հավանաբար գերազանցել եք գործարքների թիվը կամ տվյալ ժամանակահատվածի համար սահմանված բոլոր գործարքների ընդհանուր գումարը, որ սահմանել եք վիրտուալ քարտի ստեղծման ընթացքում:
3. Հավանաբար Ձեր քարտային հաշվին առկա գումարը բավարար չէ:

Փորձում եմ գրանցվել կամ գործարք կատարել, բայց ստանում եմ հետևյալ նշումը. ՙԿասեցված քարտ՚:

Քարտը, որ փորձում եք օգտագործել, համակարգի կողմից ճանաչվել է որպես կորցված կամ գողացված: Եթե գտել եք այդ քարտը, դիմեք համապատասխան բանկին կամ զանգահարեք քարտի հակառակ կողմում տպված հեռախոսահամարով: